Yevropa kengashi Prezidenti Sharl Mishel Oʻzbekiston Respublikasi Prezidenti Shavkat Mirziyoyev huzurida “Koʻksaroy” qarorgohining Faxriy mehmonlar xiyobonida daraxt ekdi.

Ushbu ezgu anʼana Oʻzbekiston-YEI munosabatlarini yanada chuqurlashtirishga qaratilgan oliy darajadagi muzokaralarning natijalarini mustahkamlaydi.

Shuningdek, oliy martabali mehmon bugun Yevropa Ittifoqi delegatsiyasining Oʻzbekistondagi yangi ofisi ochilishida ishtirok etishi, Samarqand shahri tarixiy-meʼmoriy obidalari bilan tanishishi koʻzda tutilgan. Shu bilan Yevropa kengashi Prezidenti Sharl Mishelning mamlakatimizga tashrifi yakunlanadi.