Toshkentda UzAuto qozogʻistonlik hamkorlar bilan birgalikda zamonaviy, koʻp funksiyali “Olamavto” avtomobil majmuasini yaratdi va ochdi. “Olamavto” avtomobil xabi –3S jahon standartlariga javob beradigan avtomobillar, ehtiyot qismlar va texnik xizmat koʻrsatish majmuasi hisoblanadi.

Respublika avtomobilsozlik sanoatidagi asosiy voqea “Olamavto” hududida Trade-in markazining ochilishi boʻldi. Ushbu markaz avtomobil ixlosmandlari uchun minilgan avtomobilni yangisiga yoki sertifikatga ega minilgan avtomobilga almashtirish imkoniyatini beradi.

Olamavto avtomobil xabining tantanali ochilishida “Oʻzavtosanoat” AJ boshqaruv raisi Umurzakov Shavkat Buranovich va GM International prezidenti Shilpan Amin ishtirok etdi.

“Bugun biz oʻzbek-qozoq munosabatlarini mustahkamlash yoʻlidagi yana bir muhim qadamning guvohi boʻldik. Oʻzbekiston va Qozogʻiston oʻrtasidagi avtomobilsozlik sohasidagi koʻp yillik samarali hamkorlik yana bir loyiha – zamonaviy avtomobilsozlik markazi bilan toʻldirildi. Oʻzbekistonda avtomobillashtirishning oʻsish suratlarini hisobga olsak, «Olamavto” Oʻzbekistonda avtomobillarni sotish va sifatli xizmat koʻrsatish markazlaridan biriga aylanishiga ishonaman», – dedi Shavkat Umurzakov.

Shilpan Amin oʻzining kirish soʻzida yangi xizmat koʻrsatish formatini taqdim etish muhimligini ham taʼkidladi. Uning soʻzlariga koʻra, «Bu UzAuto va uning hamkorlari tomonidan mintaqadagi Chevrolet mijozlari uchun yuqori darajadagi tajribani taqdim etishda muhim qadamdir. Chevrolet mijozlari eng zamonaviy Olamavto avtomobil markazi Chevrolet avtomobillarini sotish va ularga xizmat koʻrsatish boʻyicha Chevroletning jahon standartlariga javob berishiga ishonch hosil qilishlari mumkin».

Markazning barcha operatsion faoliyati real vaqtda boshqarish va nazorat qilish uchun raqamlashtirilgan. Mijozlar bir necha soat ichida minilgan avtomobilni yangisiga almashtirish imkoniyatiga ega boʻlishdi. Bunga raqamli baholash tizimi, avtokredit dasturlari uchun shartlar, davlat roʻyxatidan oʻtkazish va notarial xizmatlarni bevosita avtosalonda amalga oshirishga yordam beradi. Barcha jarayonlarni bir joyda amalga oshirish imkoniyati esa kutish vaqtini sezilarli darajada qisqartirib mijozlar oqimini oshiradi.

Shu bilan birga, majmuada yangi avtomobillar, sertifikatlangan minilgan avtomobillar hamda ehtiyot qismlar savdosi, shuningdek, servis va kafolatli texnik-xizmat koʻrsatish ham amalga oshiriladi.

Koʻp funksiyali avtokompleksning ishga tushirilishi 150 ga yaqin qoʻshimcha ish oʻrni yaratib, savdo, xizmat koʻrsatish va marketing sohalarida bandlikni taʼminlaydi.