Bahraynda ogʻir atletika boʻyicha Osiyo chempionati oʻz poyoniga yetdi. Unda ishtirok etgan Oʻzbekiston terma jamoasi jami 6 ta oltin, 3 ta kumush va 10 ta bronza medallarini qoʻlga kiritdi.

Erkaklar terma jamoasi musobaqada 6 ta oltin, 2 ta kumush va 5 ta bronza medallarini jamgʻardi hamda umumjamoa hisobida 1-oʻrinni egalladi.

Qayd etish kerak, musobaqada Olimpiada chempionlari Ruslan Nuriddinov va Akbar Joʻrayev ishtirok etmadi.

Ayollar terma jamoasi esa bahslar davomida 1 ta kumush va 5 ta bronza medallarini qoʻlga kiritdi.