2022-yil 7-18-oktyabr kunlari Germaniyaning “Lernidee Erlebnisreisen” turistik kompaniyasi va “Oʻzbekiston temir yoʻllari” AJ hamkorligida xalqaro turizmni rivojlantirish maqsadida Olmaota – Toshkent – Qamashi – Kitob – Samarqand – Xiva – Buxoro – Xoʻjand – Toshkent yoʻnalishida “Orient Silk Road Express” nomli turistik charter poyezdi yoʻlga chiqadi.

“Oʻzbekiston temir yoʻllari” matbuot xizmatiga koʻra, mazkur turistik charter poyezdi Yevropa Ittifoqi va boshqa bir necha davlatlar sayohatchilari uchun tashkillashtirilgan boʻlib, unda, jumladan, Fransiya, Gollandiya, Belgiya, AQSH, Germaniya, Avstriya, Buyuk Britaniya va Kanada davlatlaridan kelgan sayyohlarga xizmat koʻrsatiladi.