Ahmad Lutfiy Qozonchi "O‘gay ona", "Qaynona", "So‘nggi to‘fon", "Bir vijdon uyg‘onur" kabi asarlari bilan, payg‘ambarimiz (sollallohu alayhi vasallam) hayoti asosida yozilgan "Saodat asri qissalari", shuningdek, sahobalar hayotidan hikoya qiluvchi “Hazrat Abu Bakr Siddiq”, "Hazrati Umar ibn Hattob" kitoblarining muallifi sifatida o‘zbek kitobxonlari orasida shuhrat qozongan.

Yaqinda taniqli ijodkor Muazzam Ibrohimova Bursaga safar chog‘ida yozuvchi xonadonida bo‘lib, ziyorat qilgani haqida xabar berdi. Ushbu video lavhada Ahmad Lutfiy Qozonchi o‘zbek xalqiga salom yo‘llab, "Payg‘ambarimiz ayoli" nomli asar yozayotganini ma’lum qilgan.