Ijtimoiy tarmoqlarda Namangan viloyatining Kosonsoy tumanidagi 29-maktabda “oʻquvchilar oʻqituvchini kaltaklashdi” mazmunida video tarqaldi. Xalq taʼlimi vazirligi matbuot kotibi holat yuzasidan maʼlumot berdi.

Namangan viloyati Xalq taʼlimi boshqarmasidan olingan dastlabki maʼlumotlarga koʻra, oʻquvchi va oʻqituvchi oʻrtasida yuzaga kelgan kelishmovchilik sabab oʻqituvchi oʻquvchini sinfdan chiqarib yuborgan.

Oʻquvchi esa sinfga qaytib kirib, oʻqituvchiga qoʻl koʻtargan, qolgan oʻquvchilar esa oʻqituvchi va oʻquvchini ajratgan.

“Ayni vaqtda mazkur holat Namangan viloyati Xalq taʼlimi boshqarmasi hamda ichki ishlar xodimlari tomonidan oʻrganilmoqda. Oʻrganish natijalari boʻyicha aniq maʼlumotlar taqdim etiladi”, – deyiladi xabarda.