Ijtimoiy tarmoqlarda bolalar oʻgʻirlanayotgani haqida audio xabarlar tarqaldi.

Ovozli xabarlarda aytilishicha, Toshkentdagi 38-Orom maktabi yonida, Qorasaroy turar joy majmuasida, Qorasuvda va boshqa hududlarda bola oʻgʻirlashga urinishlar qayd etilgan.

Shuningdek, bir nechta bola dom-daraksiz yoʻqolgani, bu holatlarga mutasaddilar tomonidan tegishli choralar koʻrilmayotgani haqida gapiriladi.

Fargʻonada ham bola oʻgʻirlash bilan shugʻullanuvchi jinoiy guruh mavjudligi aytiladi.

Ushbu audioxabarlarga IIV axborot xizmati rahbari Sh.Gʻiyosov munosabat bildirdi.

«Maʼlum qilamizki bu kabi xabarlar asossiz va haqiqatdan yiroq.

 

Internet orqali yolgʻon maʼlumot tarqalishiga sababchi boʻlayotgan subyektlarning harakatlariga huquqiy baho beriladi», deyiladi rasmiy munosabatda.