29-sentabr kuni Ichki ishlar vazirligida boshqarma tezkor vakili lavozimida ishlagan xodimning murdasi Chirchiq daryosidan topildi.

Bosh prokuratura xabariga koʻra, u oʻzaro kelishmovchilik natijasida ikki nafar shaxs tomonidan qasddan oʻldirib ketilgan va jasadi daryoga tashlab yuborilgan.

Mazkur holat yuzasidan Jinoyat kodeksining 97-moddasi (Qasddan odam oʻldirish) bilan jinoyat ishi qoʻzgʻatilgan. Oʻning jasadi oʻtkazilgan qidiruv harakatlari davomida topilgan hamda gumonlanuvchilar protsessual tartibda ushlangan.

Hozirda tergov harakatlari ketmoqda. Tergovga aralashish va toʻsqinlik qilish holatlarining oldini olish maqsadida boshqa tafsilotlar oshkor qilinmaydi, deyiladi xabarda.