Toshkentning Alisher Navoiy koʻchasiga yangicha, intellektual kameralar oʻrnatildi. Bu haqida Toshkent shahar Ichki ishlar bosh boshqarmasi Yoʻl harakati xavfsizligi boshqarmasi Matbuot xizmati xabar berdi.

Qayd etilishicha, shahar hokimiyati Avstriyaning “Glans Gresselchaft Tashkent” nomli korxonasining Alisher Navoiy koʻchasini raqamlashtirish boʻyicha taklifini oʻrganmoqda.

Hozirgi vaqtda ushbu korxonaga tegishli yoʻl chiziqlariga rioya qilmaslik, tezlikni oshirish, uyali telefondan foydalanish, xavfsizlik kamaridan foydalanmaslik va boshqa qoidabuzarliklarni qayd etish imkoniyatiga ega intelektual foto videoni qayd etish kameralari Navoiy koʻchasida oʻrnatilgan.

YHXB barcha yoʻl harakati ishtirokchilariga belgilangan qoidalarga amal qilishlarini tavsiya qilgan.