Oʻzbekistonda ayrim turdagi oziq-ovqat mahsulotlarining minimal-maksimal narxlari maʼlum qilindi. Bu haqda Statistika qoʻmitasi axborot xizmati xabar berdi.

Hududiy markaziy dehqon bozorlarida 28-sentyabr oʻtkazilgan kuzatuv natijalariga koʻra, alohida turdagi oziq-ovqat mahsulotlarining minimal-maksimal narxlari:

• suyakli mol goʻshti (1 kilogramm) — 49 500—78 000 soʻm;
• qoʻy goʻshti (1 kilogramm) — 58 000—91 000 soʻm;
• kartoshka (1 kilogramm) — 2000—6000 soʻm;
• piyoz (1 kilogramm) — 1500—5000 soʻm;
• sabzi (1 kilogramm) — 1500—5000 soʻm;
• tuxum (10 dona) — 7000—16 000 soʻm;
• guruch (1 kilogramm) — 5000—25 000 soʻm;
• oʻsimlik yogʻi (1 litr) — 16 000—30 000 soʻm;
• shakar (1 kilogramm) — 12 000—17 000 soʻm.

Qayd etilishicha, bunda faqat dehqon bozorlari hududidagi oziq-ovqat mahsulotlari narxlari hisobga olingan. Supermarket, minimarket, doʻkonlardagi narxlar inobatga olinmagan.