“Million” jamoasi 24-noyabrda navbatdagi konsert dasturini “YouTube”ga joyladi. Uni besh kun ichida 7 millionda ortiq kuzatuvchi tomosha qilgan.

Toshkent shahri bosh imom-xatibi Rahmatulloh Sayfuddinov “Instagram”dagi sahifasida millionchilarning hazil chiqishlarini keskin tanqid qildi.

– Yigirma yil ota-onasi tarbiya qilmagan bolani biz 2 soatda tarbiyasini buzarmidik, deyishdi. Ikki daqiqada tarbiyasini buzasan, kerak bo‘lsa. Ular shu gap bilan o‘zlarini oqladilar. Yo‘q, tavba qildik, biz insonmiz, bandachilikka bordik, deganlarida yaxshi edi.  Lekin ular o‘zlarini oqlayapti. Alloh harom qilgan narsani halol, deyish emasmi bu. Alloh saqlasin, millatdan chiqarib yuboradigan kufr hisoblanadi bu aslida, – deydi bosh imom-xatib.