Vazirlar Mahkamasi huzuridagi Taʼlim sifatini nazorat qilish Davlat inspeksiyasi tomonidan oliy taʼlim muassasalarining milliy reytingi eʼlon qilindi.

Milliy reytingga kirgan 92 ta oliy taʼlim muassasalarining faoliyati samaradorligiga quyidagi 4 ta yoʻnalishdagi 20 ta indikator asosida baho berildi.

– ilmiy tadqiqot faoliyati va taʼlim-fan-ishlab chiqarish integratsiyasi;

– oʻquv-metodik ishlar faoliyati va oʻqitish sifati;

– talabalar bilimi va bitiruvchilar sifati;

– sportni rivojlantirish.

Milliy reytingga koʻra, eng yuqori natija qayd etgan OTMlar:

– “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universiteti;

– Oʻzbekiston milliy universiteti;

– Toshkent moliya instituti;

– Samarqand davlat universiteti;

– Navoiy davlat konchilik instituti.

Eng quyi natija qayd etgan OTMlar:

– Termiz muhandislik texnologiya instituti;

– Oʻzbek milliy musiqa sanʼati instituti;

– Fargʻona jamoat salomatligi tibbiyot instituti;

– Termiz agrotexnologiyalar va innovatsion rivojlanish instituti;

– Qarshi davlat universitetining pedagogika instituti.