Бугун Республика Маънавият ва маърифат маркази Навоий вилоят бўлими “Маърифат” тарғиботчилар жамиятининг янги аъзоларига махсус гувоҳномаларни топширди.

Тадбирда вилоят ҳокимлиги котибият мудири А.Ёрқулов, вилоят Маънавият ва маърифат бўлими раҳбари А.Муқимов, туман, шаҳар бўлинмалари раҳбарлари ҳамда вилоят кесимидаги олий ўқув юртларидан 20 нафардан ортиқ олимлар, профессорлар, доцентлар, маданият ходимлари, ижодкор зиёлилар иштирок этган.



Шунингдек, фаоллиги билан муносиб ҳисса қўшиб келаётган бир гуруҳ “Маърифат” тарғиботчилар жамияти аъзолари Республика Маънавият ва маърифат марказининг ташаккурномалари ҳамда эсдалик совғалари билан тақдирланди, дея хабар қилди Навоий вилоят Маънавият ва маърифат бўлими ахборот хизмати.