Қирғизистоннинг Ўш ва Ўзбекистоннинг Андижон шаҳарлари ўртасида 9 сентябрдан автобус қатнови тикланди. Бу ҳақида Ўш вилояти ҳокимлигига таяниб, "Manas news" хабар берди.

Маълум қилинишича, ушбу йўналиш бўйича қатнов 2019 йил кузида ишга тушган, бироқ бир неча ой ўтиб пандемия туфайли тўхтатилган. Ҳозирда йўналиш бўйлаб ҳаракатланиш учун ўнга яқин микроавтобус қатнови йўлга қўйилган.

Чегара орқали ўтишни тезлаштириш учун давлатлар «яшил йўлак»ни жорий этишга келишиб олган. Шаҳарлар орасидаги масофа 45 километрни ташкил қилади.