Сурхондарё вилоятига Республика Маънавият ва маърифат маркази марказий аппарат ходимлари, «Маърифат» тарғиботчилар жамияти аъзоларидан иборат «Янги Ўзбекистонда эл азиз, инсон азиз» шиори остидаги маънавият карвони етиб борди. Термиз халқаро аэропортида юздан ортиқ маданият, санъат намояндалари, шоир ва ёзувчилар, маънавият тарғиботчилари тантанали кутиб олинди.

Маънавият тадбирлари давомида 9-14 сентябрь кунлари сурхон аҳли билан 200 дан ортиқ маънавий-маърифий, ижодий учрашувлар, концерт дастурлари ўтказилади. Шунингдек, миллий фильмларни намойиш қилиш ҳам режалаштирилган.