Қўқон шаҳрига туркий давлатлардан номдор фотографлар таклиф этилади ва «Қўқон туркий фотосуратчилар объективида» рукни остида кўргазма ва ёш фотографлар учун маҳорат дарслари ташкил этилади.

Ушбу ташаббус Қўқон шаҳри «Туркий дунёнинг туризм пойтахти» мақомини олганлиги муносабати билан амалга оширилмоқда.

Ўзбекистон бўйлаб ижодий сафарда қатнашиш учун Туркий давлатлар ташкилотига аъзо мамлакатлар (Озарбайжон, Қозоғистон, Қирғизистон, Туркия, Ўзбекистон) ва кузатувчи давлатлардан (Венгрия, Туркманистон) икки нафардан таниқли ижодкор юртимизга таклиф этилади. Ушбу тадбир 2022 йил, октябрь ойининг биринчи декадасида ўтказилиши режалаштирилган.