Қуёшда М тоифали кучли чақнашлар қайд этилди. Ундан отилиб чиққан плазма оқими бугун, 29 август куни Ерга етиб келади ва геомагнит бўронларига сабаб бўлади.

5 балли, G3 даражали магнит бўронлари эртага, 30 август санасида ҳам давом этади. Бу вақтда таъсирчан одамларда бош оғриқлари, чарчоқ, ҳолсизлик, уйқусизлик кузатилиши мумкин.

Магнит бўронлари вақтида ёш болалар ва кекса ёшдаги инсонлар, шунингдек беморларга оғир жисмоний ҳаракатлардан воз кечиш, стрессли вазиятлардан узоқроқ бўлиш тавсия этилади. Бу кунларда кўпроқ сув ичиб, тоза ҳавода сайр қилиш геомагнит бўронлари таъсирининг олдини олишга ёрдам беради.