Ижтимоий тармоқларда тарқалаётган ва муҳокамаларга сабаб бўлаётган давлат олий таълим муассасаларида базавий тўлов-контракт миқдорларининг оширилганлиги тўғрисидаги хабарлар ҳақиқатга тўғри келмайди. Бу ҳақида Олий ва ўрта махсус таълим вазирлиги ўз расмий муносабатида маълум қилди.

Шунингдек, вазирлик базавий тўлов-контракт миқдорлари 2022/2023 ўқув йили учун тасдиқланиши кутилаётганлигини инобатга олиб, ушбу масала расмий эълон қилинмагунга қадар барча давлат олий таълим муассасалари, шу жумладан, молиявий мустақиллик берилган таълим ташкилотлари ҳам расмий баёнот беришини асоссиз, деб ҳисоблайди.