Яқин ойларда Самарқандда бир нечта халқаро даражадаги тадбирлар бўлиб ўтиши кутилмоқда. Айни пайтда ушбу анжуманларга катта тайёргарлик кўрилмоқда. Президент Шавкат Мирзиёев вилоятга ташрифи чоғида ушбу жараённи кўздан кечирди.

Самарқанд шаҳрида ХIХ аср охири - ХХ аср бошларига оид обидалар кўп. Алишер Навоий ҳамда Шоҳруҳ кўчаларидаги шундай тарихий биноларда миллатлараро дўстлик ва хорижий мамлакатлар билан ҳамкорликка бағишланган музейлар ташкил этиш режалаштирилган.

Президентимиз бу режаларни маъқуллаб, музейларни мазмунан бойитиш, ҳамкор мамлакатлар билан яқин муносабатларни намоён этиш бўйича кўрсатмалар берди.