Мустақиллик байрами муносабати билан Тошкент шаҳри жамоат транспортининг иш вақтига ўзгартириш киритилди. Бу ҳақда «Тошшаҳартрансхизмат» хабар қилди.

Унга кўра, транспорт ҳаракати қуйидагича ташкил этилади:

– 1 сентябрь, пайшанба — Мустақиллик куни, ишланмайдиган байрам куни. Якшанба кунлари учун тасдиқланган жадваллар асосида;

– 2 сентябрь, жума — қўшимча дам олиш куни. Якшанба кунлари учун тасдиқланган жадваллар асосида;

– 3 сентябрь, шанба — одатий дам олиш куни. Шанба кунлари учун тасдиқланган жадваллар асосида;

– 4 сентябрь, якшанба — одатий дам олиш куни. Якшанба кунлари учун тасдиқланган жадваллар асосида.