2022 йилнинг 21 август куни телеграм каналларда Бухоро «Арк» мажмуасидаги экспонатлар сотувга чиқарилгани ҳақида хабарлар тарқалди.

Маданий мерос агентлигининг маълум қилишича, жорий йилнинг 21 август куни соат 12:07 да «Антиквариат ва нумизматика Узбекистан” телеграм гуруҳига Бухоро «Арк» мажмуаси коллекциясидан 7 дона фотосурат жойлаштирилган, улар остида ҳеч қандай изоҳ берилмаган. 

Аниқланишича, «Арк» Бухоро вилоят ўлкашунослик музейи экспозициясидаги 7 та витрина экспонатлари суратга олиб ташланган. Музей ходимлари томонидан зудлик билан ўрганишлар натижасида экспонатлар ўз жойида эканлиги, улар ҳеч қандай савдога чиқарилмаганлиги маълум қилинди. 

«Шунингдек, музей масъулларининг фикрича: ушбу маълумотлар саёҳатга келганлар томонидан жойлаштирилган» – дейилади хабарда.