Шахснинг судланганлик ҳолати бир қатор пайтларда тугалланади. Бу ҳақида “Ҳуқуқий ахборот” канали ёзмоқда.

Қайд этилишича, улар қуйидагилар:

• шартли ҳукм қилинганларга нисбатан – синов муддати тугаган кундан бошлаб; 
• мажбурий жамоат ишлари, хизмат бўйича чеклаш ёки интизомий қисмга жўнатиш тарзидаги жазоларини ўтаб чиққач; 
• жарима жазоси ижро этилган кундан кейин, муайян ҳуқуқдан маҳрум қилиш ёки ахлоқ тузатиш ишлари жазолари ўталганидан кейин – 1 йил ўтгач; 
• озодликни чеклаш жазоси ўталганидан кейин – 2 йил ўтгач; 
• 5 йилдан кўп бўлмаган муддатга озодликдан маҳрум қилиш жазоси ўталганидан кейин – 4 йил ўтгач; 
• 5 йилдан ортиқ, лекин 10 йилдан кўп бўлмаган муддатга озодликдан маҳрум қилиш жазоси ўталганидан кейин – 7 йил ўтгач; 
• 10 йилдан ортиқ, лекин 15 йилдан кўп бўлмаган муддатга озодликдан маҳрум қилиш жазоси ўталганидан кейин – 10 йил ўтгач. 

Меҳнат кодексига кўра, муқаддам судланган шахсларни ишга қабул қилмаслик (бундан қонунчиликда назарда тутилган ҳоллар мустасно), ёхуд шахсларни улар яқин қариндошлари судлангани муносабати билан ишга қабул қилмаслик мумкин эмас.