Ўзбекистонда Амир Темур ҳақида анимацион фильм яратишга тайёргарлик бошланди.

“Ўзбеккино” томонидан маълум қилинишича, Ўзбекистон Миллий кинематографияни ривожлантириш маркази биринчи ва иккинчи Ренессанс давридаги аждодларимиз ҳақида 30 та анимацион фильм яратишни кўзда тутувчи йирик “Ренессанс” лойиҳаси устида иш олиб бормоқда.

Айни пайтда ижодий гуруҳ Амир Темурга бағишланган анимацион фильмни яратиш устида меҳнат қилмоқда.

Шунингдек, лойиҳа режиссёри Одил Маҳамадов бошчилигида аниматорлар Зебо Саидазимова, Санобар Эркинова, Фирдавс Нўмонов, Моҳира Мирзаевалар фаол иш олиб бормоқда.

Таъкидланишича, сценарий муаллифи Тўлқин Ҳайит, Дониёр Абдувоситов эса лойиҳа продюссери ҳисобланади.