Пойтахтимизнинг Олмазор туманидаги «Олтинсой» маҳалла фуқаролар йиғинида Республика Маънавият ва маърифат маркази, Олий Мажлис ҳузуридаги жамоат фонди, «Маърифат» тарғиботчилар жамияти ҳамда туман ҳокимлиги ҳамкорлигида янги барпо этилган кутубхонанинг очилиши бўлиб ўтди.

Мазкур маърифат масканининг очилишига бағишланган тадбирда олимлар, зиёлилар, болалар ёзувчилари, шоирлар, эл суйган санъаткорлар, нуроний отахон ва онахонлар, ёшлар иштирок этди.

Зиё масканига «Маърифат» тарғиботчилар жамияти томонидан 500 дан зиёд ўзбек ва жаҳон адабиёти дурдоналаридан иборат китоблар жамланмаси совға қилинди. Шу билан бирга, маҳалладаги «Аёллар дафтари», «Темир дафтар», «Ёшлар дафтари»га киритилган инсонларнинг фарзандларига совғалар улашилди.