Самарқанд ва Тошкент вилоятлари ҳамда пойтахтда одил судловни амалга оширишда қонунийликни бузгани учун беш нафар судбянинг ваколати муддатидан олдин тугатилди. Бу ҳақда Судьялар олий кенгашининг кеча, 9 август куни ўтказилган йиғилишида қарор қабул қилинган.

Муҳокамалар якунида Кенгаш қарори билан: 

•    Самарқанд вилояти фуқаролик ишлари бўйича Самарқанд шаҳар судининг судьяси С. Турсунов;

•    Тошкент шаҳар жиноят ишлари бўйича Шайхонтаҳур туман судининг судьяси А. Юлдашев;

•    Тошкент вилояти жиноят ишлари бўйича Олмалиқ шаҳар судининг судьяси  Б. Жўрабеков ёзма аризаларига кўра;

•    Тошкент шаҳар судининг иқтисодий ишлари бўйича судьяси И. Хакимова одил судловни амалга оширишда қонунийликни бузганлиги учун;

•    Самарқанд вилояти жиноят ишлари бўйича Пайариқ туман судининг раиси Ш.Шарипов вафот этганлиги сабабли лавозимларидан озод этилиб, ваколатлари муддатидан илгари тугатилди.