Ўзбекистонда 1 сентябрдан «Дори воситалари ва тиббий буюмлар» маҳсулот гуруҳи учун рақамли маркировкалаш тизимини жорий этиш бошланади. 

Вазирлар Маҳкамасининг 2022 йил 2 апрелдаги 149-сон қарорига мувофиқ, дори воситаларини маркировкалаш 1 сентябрдан бошланади. Тизимни жорий ошириш босқичма-босқич амалга оширилади ва қуйидаги гуруҳларни ўз ичига олади:

– биринчи гуруҳ — иккиламчи (ташқи) қадоқларда ишлаб чиқарилган дори воситалари (орфан дори воситаларидан ташқари) — 2022 йил 1 сентябрдан бошлаб;

– иккинчи гуруҳ — бирламчи (ички) қадоқларда (иккиламчи (ташқи) ўрам бўлмаганда) ва ангромаҳсулотда (орафан дори воситаларидан ташқари) ишлаб чиқариладиган дори воситалари (орфан препаратларидан ташқари) — 2022 йил 1 ноябрдан бошланади;

– учинчи гуруҳ — Ўзбекистон Соғлиқни сақлаш вазирлиги томонидан тасдиқланган кам учрайдиган касалликларни даволаш учун мўлжалланган орфан дори воситалари ва кам учрайдиган (орфан) касалликларни ташхислаш ва даволаш учун мўлжалланган дори воситалари рўйхатига киритилган дори воситалари, шунингдек Ўзбекистондан ташқарида амалга оширилган рўйхатга олиш натижаларини тан олиш тартиби доирасида дори воситалари, тиббиёт буюмлари ва тиббий техниканинг давлат реэстрига киритилган — 2023 йил 1 мартдан бошлаб;

– тўртинчи гуруҳ — тиббий буюмлар — 2025 йил 1 февралдан бошланади.

Ўзбекистонда миллий рақамли маркировкалаш тизими мавжуд бўлиб, у “Asl Belgisi” деб номланган. Тизимнинг оператори сифатида CRPT Turon масъулияти чекланган жамияти танлаб олинган.

Маркировка тизими маҳсулотларнинг ҳақиқий ёки контрафакт эканини текшириш учун, шунингдек, ишлаб чиқарувчинг келгусида маҳсулотини кузатиши учун керак бўлади. Маркировкалаш доирасида маҳсулот қадоғига қўйилган дата-матрикс код мобил илова орқали сканерланиши мумкин. Харидор шу орқали ўзини қизиқтирган маҳсулот ҳақидаги барча истеъмолчи маълумотларини олиши, унинг ҳақиқийлигини текшириши мумкин бўлади.

Тизим оператори CRPT Turon маълумотларига кўра, маҳаллий ишлаб чиқарувчилар жараённи бошлашга тайёргарлик кўрмоқда. «Миллий каталог»га 2 минг 850 дан ортиқ дори воситалари номи киритилган.