Ҳиндистоннинг Ченнай шаҳрида ўтаётган Бутунжаҳон шахмат олимпиадасида Ўзбекистон эркаклар терма жамоаси Нидерландия жамоаси устидан ғалаба қозониб (2,5:1,5), чемпионликни қўлга киритди. Бу тарихдаги биринчи чемпионлик.

Таъкидланишича Ўзбекистон терма жамоаси ушбу олимпиада давомида бирор марта ҳам мағлубиятга учрамаган ягона жамоа бўлган.

Чемпионлар: Нодирбек Абдусатторов (2004 йил), Нодирбек Якуббоев (2002 йил), Жавоҳир Синдаров (2005 йил), Жаҳонгир Ваҳидов (1995 йил) ва Шамсиддин Воҳидов (2002 йил).

Ўзбекистон аёллар терма жамоаси эса сўнгги турда Коста-Рика терма жамоасини мағлуб этди (2,5:1,5). Ўзбекистон шарафини Умида Омонова (2006 йил), Афруза Ҳамдамова (2009 йил), Мафтуна Бобомуродова (2006 йил), Маржона Маликова (2002 йил) ва Нилуфар Якуббоева (2000 йил) ҳимоя қилди.