Тошкент давлат шарқшунослик университети 21 октябрь – Ўзбек тили байрамига бағишлаб, 28 октябрдан Эрон Ислом Республикасининг етакчи университетларидан бири Аллома Таботабоий олийгохида ўзбек тили курсларини онлайн тарзда йўлга қўймоқда.

Мазкур курс ушбу университетдаги “Турк тили ва адабиёти” кафедраси талабаларини ўқитиш учун мўлжалланган. Ўқув курси лексик, грамматик ва маданиятлараро мулоқотни ривожлантиришга қаратилган материалларни ўз ичига олиб, улар Ўзбекистон тарихи, маданияти ва замонавий ҳаётини акс эттирувчи матнлардан иборат бўлади.