Фарғона вилояти Бағдод туманида 218 мингдан ошиқ аҳоли яшайди. Бу ерда узоқ вақт қурилишга эътибор бўлмагани туфайли одамларнинг уй-жойга эҳтиёжи юқори эди.

Шу боис марказдан олис дашт ҳудудидаги «Гулистон» МФЙ да 1 подъездли 61 та кўп қаватли уйларда 1 220 та хонадон турар жойлари барпо қилинди. Янги ва замонавий хонадонларни сотиб олишда қулайлик яратиш мақсадида фуқароларга субсидиялар тақдим этилган. Маҳаллада инсонлар учун керакли ҳамма ижтимоий объектлар қулай жойлашган.

Фуқаролар йиғини биноси, ёшлар учун коворкинг маркази, савдо ва маиший хизмат мажмуаси ёнма-ён. 420 ўринли мактаб, 150 ўринли боғча, оилавий поликлиника, маданият уйи, спорт мажмуаси барпо этилган. Кўп қаватли уйлар олдида болалар майдончалари ташкил этилган.