Туркия ҳукумати томонидан Ўзбекистонга беғараз ёрдам сифатида COVID-19га қарши Хитойда ишлаб чиқарилган “Синовак” вакцинаси олиб келинди.

Истанбул – Тошкент рейси билан мамлакатимизга келтирган  “Синовак” вакцинасининг 200 минг дозаси шунингдек, 20 минг қути “Фавипиравир” дори препарати юртимиз вакиллари томонидан қабул қилиб олинди, дея хабар беради Соғлиқни сақлаш вазирлиги ахборот хизмати.

Ўзбекистон ва Туркия ҳукуматлари ўртасида соғлиқни сақлаш соҳасида грант ёрдамига оид имзоланган битим асосида олиб келинган “Синовак” вакцинаси мамлакатимизга келтирилган олтинчи турдаги вакцинадир.

Шундай қилиб, юртимизга эмлаш жараёнларида фойдаланилаётган жами вакцина 28 673 528 дозани ташкил қилмоқда.