Хитойнинг Шаньси провинциясида сув тошқинлари давом этмоқда. Қарийб 2 миллион аҳоли, жумладан, йирик шаҳарларда яшовчилар уйларини тарк этишига тўғри келди. Бу ҳақда Azon.uz хабар қилмоқда.

Маҳаллий ОАВ хабарига кўра, сув тошқини туфайли провинция бўйлаб 1,8 миллион аҳоли уйларини тарк этди. Эвакуация ишлари давом этмоқда. 

Кучли ёмғир қутқарувчилар ишини қийинлаштиряпти. Шаньсида кучли ёғингарчилик ўтган ҳафтада бошланган эди. Ёғингарчиликлар кўчкиларга ҳам сабаб бўлди. 

Бир неча ой аввал бу ерда сув тошқинлари 300 кишининг ўлимига сабабчи бўлган эди.