Қувайтнинг Ал-Қувайт шаҳрида бокс бўйича «1-халқаро мусобақа» ўз якунига етди.

Ушбу мусобақада ўзбекистонлик чарм қўлқоп усталари ҳам иштирок этишди ва умумжамоа ҳисобида биринчи ўринни эгаллашди. Боксчиларимиз мусобақа якунига кўра, 5 та олтин ва 1 та бронза медалига сазовор бўлдилар.

Терма жамоамиз сафида Абдумажид Маннопов, Абдумалик Халаков, Жавлонбек Йўлдошев, Дилшодбек Рўзметов ва Диёр Ўралов олтин медални қўлга киритган бўлса, Лазизбек Фаттоев бронза билан юртимизга қайтадиган бўлди.