Тошкент шаҳар ҳокимлигида пойтахт ҳокими Жаҳонгир Ортиқхўжаев ва мутахассислар иштирокида Япония бизнес делегацияси билан учрашув бўлиб ўтди.

Япония делегациясининг GIC holding директори Хаттори Ай пойтахтимиздаги йирик бизнес-маркази ҳудудида япон ресторанини ташкил қилишга қизиқиш билдирди.

Япониялик тадбиркорлар япон ва ўзбек маданиятлари яқинлигини таъкидлаб, кичик овқатланиш нуқталари, япон маҳсулотлари ва эсдалик совғалар дўконлари жойлашган алоҳида кўчани ташкил қилишни кўзда тутувчи Japanese Street лойиҳасини амалга ошириш таклифини билдирдилар. Меҳмонларнинг айтишича, бу кўча қўшма кўргазмалар, ярмарка ва фестиваллар ўтказиш учун ажойиб манзилга айланади ва, шубҳасизки, пойтахтнинг туристик жозибадорлигини оширади.