Маданият вазирлиги ҳамда Тошкент вилояти ҳокимлиги ташаббуси билан Тошкент вилоят маданият бош бошқармаси ижодий жамоалари вакиллари Туркия республикасида гастроль сафарида бўлиб турибди.

Тошкент вилояти ижодий жамоаси делегация раҳбарлари учун дастлаб Турксой халқаро ташкилоти бош котиби жаноб Султан Раев ҳамроҳлигида Туркия Республикаси Малатия вилояти ҳокими, жаноб Ҳулуси Шахин билан учрашув ташкил этилди.

Мулоқотда Тошкент ҳамда Малотия вилоятлари ўртасида маданий ҳамкорликларни янада мустаҳкамлаш борасида фикр алмашилди.

Маълумот учун: Турксой халқаро ташкилоти Озарбайжон, Ўзбекистон, Қозоғистон, Қирғизистон, Туркия, Туркманистон иштирокида 1993 йил 12 июль куни ташкил топган. Ҳозирги кунда ушбу ташкилотга 6 та мамлакат аъзо. Унинг бош қароргоҳи эса Туркиянинг Анқара шаҳрида жойлашган.