Ўзбекистонда 87 минг нафардан ортиқ бола вакцина билан ихтиёрий эмланди

Сақлаш
12:18 / 11.10.2021 1001 0

Соғлиқни сақлаш вазирлиги шу йилнинг 28 сентябридан Ўзбекистон Республикаси Бош давлат санитария врачи ва миллий техник иммунологик эксперт комиссиясининг қарорига асосан, юртимизда ота-оналар ва васийларининг розилиги асосида, ихтиёрий равишда 12 ёшдан катта болаларни Pfizer вакцинаси билан эмлаш йўлга қўйилгани ҳақида маълум қилган эди. 

Коронавирусга қарши Pfizer вакцинасининг 12-15 ёшдаги болаларда ўтказилган клиник синовларининг натижалари мазкур вакцинанинг юқори даражада самарадорлиги ва хавфсизлигини кўрсатган бўлиб, Жаҳон соғлиқни сақлаш ташкилоти томонидан 12 ёшдан юқори болалар ва ўсмирларни Pfizer вакцинаси билан эмлаш тавсия этилган.

5 октябрь ҳолатига кўра, юртимизда 87 710 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланди.

Ҳудудлардаги исталган эмлаш пунктида 12 ёшдан катта болалар ота-оналари ва васийларининг розилиги асосида коронавирусга қарши эмланишлари мумкин.

Изоҳ йўқ

Изоҳ қолдириш

Сўнгги янгиликлар

Барчаси

//