Ўзбекистон халқ шоири Тўра Сулаймоннинг уй-музейини ташкил этиш бўйича Вазирлар Маҳкамаси қарори қабул қилинди.

Унга кўра, атоқли шоир яшаб, ижод қилган Сирдарё вилояти, Мирзаобод тумани, Турғун Аҳмедов номидаги маҳалла фуқаролар йиғини, Бахмал кўчаси, 7-уй манзилида Тўра Сулаймон уй-музейи ташкил қилинади.

2022 йил охирига қадар фойдаланишга топшириладиган уй-музейида давра суҳбатлари, ижодий учрашувлар, маданий-маърифий тадбирлар ташкил этилиши кўзда тутилган.