Статистика қўмитаси ахборот хизмати Ўзбекистонда аёллар кўпроқ қайси соҳада фаолият олиб бораётгани бўйича кўрсаткичларни эълон қилди.

Маълум қилинишича, 2022 йилнинг 1 январь ҳолатига Ўзбекистонда тадбиркор аёл раҳбарларнинг иқтисодий соҳалар бўйича фаолияти қуйидагича:

• савдо соҳасида – 14 147 та;
• хизматлар соҳасида – 10 057 та;
• саноатда – 5 543 та.

Қайд этилишича, аёл раҳбарлар бошқарувида кичик корхона ва микрофирмаларнинг маҳсулот сотишдан тушган соф даромади 22,6 триллион сўмни ташкил этган. Улар бошқарувидаги кичик корхона ва микрофирмаларнинг соф даромади 2021 йилнинг мос даври билан солиштирилганда қарийб 7 триллион сўмга ошган.