2022 йилнинг январь-июнь ойларида Ўзбекистонга 10 та хорижий давлатдан қиймати 34,1 млн АҚШ долларига тенг бўлган 1 125 та электромобиль импорт қилинди. Бу ҳақда Давлат статистика қўмитаси маълум қилди.

Электромобиль импорти 2021 йилнинг мос даврига нисбатан 875 тага ёки 4,5 баробарга ошган.

2022 йилнинг 6 ойида Ўзбекистонга электромобиллар асосан Хитойдан импорт қилинган – 983 та. Шунингдек, БАА (73 та), Германия (27 та), Гонконг (25 та), Корея (6 та), Литва (6 та) ва Эстониядан (2 та) импорт қилинган.