Чилонзор туманида жадидлар хотираси, "UzAuto Motors"даги узундан-узун навбатлар, бензин ошишига бағишланган кўча суратларини чизиб шуҳрат қозонган "inkuzart" бугун янги асарини тақдим этди.

Суратда Россия-Украина можаросига ишора қилинган. Қиррали бўртма деворга чизилган расмнинг бир томонидан қаралса – Россия Федерацияси Президенти Владимир Путин, иккинчи томондан қаралса – Украина Президенти Владимир Зеленский кўринади.

Рассом видео тагига «Ким ҳақ, ким ноҳақ: қайси томондан қарашга боғлиқ» деб ёзиб қолдирган.