Вазирлар Маҳкамасининг тегишли қарорига мувофиқ, «Суғурта фаолияти классификатори»га қўшимча суғурта класслари қўшилди. Бу ҳақида Суғурта бозорини ривожлантириш агентлиги директори ўринбосари Ботир Усмоналиев маълум қилди.

Қайд этилишича, бунда ҳаётни суғурта қилиш соҳасидаги мавжуд 4 та классга яна 3 та класс қўшилди. Булар:

- Тартиб рақами бўйича V-класс — «Мажбуриятларни таъминлаш учун ҳаётни суғурталаш»;

- Тартиб рақами бўйича VI-класс — «Узоқ муддатли ихтиёрий пенсия суғуртаси»;

- Тартиб рақами бўйича VII-класс — «Капитални қайтариш билан ҳаётни суғурталаш».