Асли Танзанияда туғилган, Буюк Британияда яшовчи ёзувчи Абдулраззоқ Гурна бу йилги Нобел мукофоти совриндори деб эълон қилинди. У «истилочилик оқибатлари ҳамда маданиятлар ва қитъалар орасига тушиб қолган қочоқлар тақдири мавзусини ёритгани учун» ушбу мукофотга лойиқ кўрилди.

Инглиззабон ёзувчи айни пайтда 73 ёшда бўлиб, “Жаннат” ва “Денгиз бўйида” романлари билан танилган.

Қолган йўналишлар:  

Тиббиёт ва физиология йўналишида нуфузли мукофот Калифорния университети профессори Дэвид Жулиус ва АҚШдаги Скрипс илмий-тадқиқот институти ходими Ардем Патапутянга; 

физика бўйича Жоржио Паризи, Клаус Ҳасселман ва Сюкуро Манабега;  

кимё йўналишида Бенжамин Лист ва Дэвид Макмилланга топширилди.

Нобел қўмитаси яна тинчлик ва иқтисодиёт бўйича совриндорларни эълон қилади.