Шанхай ҳамкорлик ташкилоти Минтақавий аксилтеррор тузилмаси Қорақалпоғистондаги воқеаларга муносабат билдириб, Ўзбекистон ҳукуматини қўллаб-қувватлади. Бу ҳақида ташкилот сайтида хабар берилди.

Ташкилотнинг Минтақавий аксилтеррор тузилмаси Ижроия қўмитаси Конституцияга зид кўринишлар ва ижтимоий-сиёсий вазиятни беқарорлаштиришга уринишларни қоралаб, барқарорлик, хавфсизлик ва барқарор тараққиётни сақлаш тарафдори эканини билдирган.

Ўзбекистон ҳукумати томонидан қонунчилик ва ҳуқуқ-тартиботни таъминлаш, фуқароларнинг ҳуқуқ ва эркинликларини ҳимоя қилиш, кўп миллатли Ўзбекистондаги барча халқларнинг миллатлараро тотувлиги ва тинч-тотув яшаши бўйича кўрилаётган чора-тадбирлар қўллаб-қувватланган.