Ўзбекистоннинг Promcomplektlogistic компанияси АҚШнинг иккиламчи санкциялари рўйхатига тушди. Бу ҳақида Замон интернет нашри ёзмоқда.

Бунга сабаб қилиб ушбу компаниянинг Россиянинг чекловлар остидаги «Радиоавтоматика» ташкилоти билан ҳамкорлик қилгани кўрсатилган. АҚШ давлат департаменти ушбу фирманинг «Радиоавтоматика»га электрон компонентлар етказиб берганликда айблаган.

Promcomplektlogistic Тошкентда 2018 йилда рўйхатга олинган. Унинг асосий фаолияти қуруқлик транспортига хизмат кўрсатишдан иборат.