Дарахт кўчати парвариши бўйича кўрсатма талабларини тўлиқ бажармаган 109 нафар мансабдор шахсга 311 млн сўм миқдорда жарима қўлланилди. Бу ҳақида Экология ва атроф-муҳитни муҳофаза қилиш давлат қўмитасининг мутасаддилари иштирокида ўтказилган матбуот анжуманида маълумот берилди.

Унда қайд этилишича, 2021 йил куз ва жорий йил баҳор мавсумида республика миқёсида йирик, ўрта ва кичик маҳаллаларда жами 70 млн. 800 минг дона ҳамда умумий фойдаланишдаги автомобиль йўллари ёқаларига 72 млн. 500 минг дона терак кўчат ва қаламчалари экилди.