Жорий йилнинг 29-30 сентябрь кунлари Истанбул шаҳрида Тошкент давлат шарқшунослик университети, Туркий кенгаш котибияти, Истанбул ва Мармара университетлари ҳамкорлигида “Маҳмуд Кошғарийнинг илмий мероси ва унинг учинчи мингйиллик туркологияси ривожидаги ўрни” мавзуида халқаро илмий-амалий конференция ўтказилади. Бу ҳақда ЎзА хабар берди.

Конференцияни ташкил қилиш мақсадида шу кунларда Истанбулда ҳамкор ташкилот ва университетлар билан ишчи учрашувлар ўтказилди. Шунингдек, Туркияда нашр этилаётган ТДШУ профессори К.Содиқовнинг «Девону луғотит-турк» асарига бағишланган монография тақдимоти масаласи кўриб чиқилди.  

Ушбу анжуманда Ўзбекистон, Туркия, Қозоғистон, Озарбайжон, Тожикистон, АҚШ, Россия, Украина ва Эрондан 30 дан зиёд олим маърузалари билан иштирок этиши кутилмоқда.