Кеча Адиблар хиёбонида Кинематография агентлиги буюртмасига биноан “Brand pro media” студияси ҳамда Ўзбекистон халқаро ислом академияси билан ҳамкорликда суратга олинган "Маҳмудхўжа Беҳбудий" ҳужжатли фильми премьера қилинди. Кинокартина етук жамоат арбоби, ўзбек театр драматургиясининг асосчиси Маҳмудхўжа Беҳбудий ҳаёти ва ижодига бағишланган.

Премьерадан аввал, адиб пойига гулчамбар қўйилди ҳамда талабалар иштирокида саҳна кўриниши тақдим этилди. Сценарий муаллифи Абдуҳамид Мухторов, режиссёр Иброҳим Аҳмедов, оператор Сардор Анваров, рассом Сардор Тошмуродов.

Бундан аввал Алишер Навоий, Бобур, Абдулла Орипов, Абдулла Қаҳҳор ҳақидаги фильмлар премьера қилинганди. 27 сентябрга қадар Чўлпон, Муҳаммад Юсуф, Ҳамид Олимжон ва бошқа адиблар ҳақидаги фильмлар намойишлари бўлиб ўтади.