Россия Фанлар академиясининг мухбир аъзоси, профессор Петр Чумаков ОРВИ (шамоллаш) касаллигига чалинган беморлар COVID билан касалланмаслигини маълум қилди. Бу ҳақда «РИА Новости» хабар берди.

Мутахассис сўзларига кўра, бемор бир вақтнинг ўзида бошқа вирусни юқтира олмайди. Бунга танада интерферон ишлаб чиқарилаётгани сабаб бўлади.

— Шу ўринда, одам шамоллаш касаллиги билан бир вақтнинг ўзида коронавирус билан ҳам касалланмайди, — дейди олим. — Интерферон — танани иккиламчи инфекциядан ҳимоя қилувчи оқсил, — деган Чумаков қўшимча қилиб.

Аммо касалликдан соғайгач, коронавирус билан касалланиш хавфи борлигини таъкидлаган. Олим биринчи вирус туфайли тана заифлашишини, шу сабаб коронавирус янада оғир кечиши мумкинлигини қайд этган.