Республикамиз бўйлаб вилоятларнинг турли туманларида президентимиз қарорига кўра, маънавият ва маърифат масканлари фойдаланишга топширилмоқда. Кеча, 14 июнь куни Навоий вилояти Кармана туманида ҳам ана шундай масканнинг тантанали очилишига бағишланган тадбир бўлиб ўтди.

Унда вилоят ҳокимлиги котибият мудири А.Ёрқулов, туман ҳокими ўринбосари Э.Кенжаев, 2-сектор раҳбари, туман прокурори Х.Эркинов, вилоят Маънавият ва маърифат бўлими раҳбари А.Муқимов, тумандаги умумтаълим мактабларининг маънавий-маърифий ишлар бўйича директор ўринбосарлари, мактаб ижодий-маданий масалалар бўйича тарғиботчилари ва ўқувчи ёшлар иштирок этди.

Тадбир давомида ёзувчи-шоирлар иштирокида ижодий учрашув ва шеърий мушоира ташкил этилди. Шунингдек, вилоят Маънавият ва маърифат бўлими раҳбари томонидан ҳамкор ташкилотларга ҳамда ўқувчи ёшларга китоблар тақдим этилди.