Тошкент шаҳар Янгиҳаёт туманида жойлашган «Янги Чоштепа» маҳалласида ҳеч қандай бурчакка эга бўлмаган болалар боғчаси қурилади. Бу ҳақда Мактабгача таълим вазирлиги ахборот хизмати хабар берди.

Маълум қилинишича, 480 ўринга мўлжалланган, ноодатий кўринишга эга бўлган бино тез фурсатда «Янги Чоштепа» маҳалла фуқаролар йиғинида барпо этилади.

Шунингдек, хоналарда болаларнинг бир машғулотдан бошқасига ўтиш учун бино бўйлаб ҳаракатланишига имкон яратилади. Ёруғликнинг тўғри тақсимланишига, хоналар интерьерининг бир-бирини такрорламаслигига ва чет тилларини ўргатишга эътибор қаратилади.