Ижтимоий тармоқларда Андижон вилояти Жалақудуқ туманидаги марказий шифохонада таъмирталаб бинога “Маънавият ва маърифат хонаси” деб ёзиб қўйилгани ҳақида хабар тарқалди.

Ушбу масалани Республика Маънавият ва маърифат маркази Андижон вилояти бўлим раҳбари Мурод Ғафуров жойига бориб ўрганди. Маълум бўлишича, расмдаги эски бинода ҳозир ҳисобхона вақтинча фаолият юритмоқда.

Маънавият ва маърифат хонаси эса поликлиниканинг иккинчи қаватида ташкил қилинган.

Президентнинг ПҚ-4986 қарорига асосан шошилинч тиббий ёрдам бўлими биносини реконструкция қилиш, суратдаги эски бино жойига 30 ўринли жарроҳлик бўлими бунёд этиш режалаштирилган. Ҳозирда қурилиш ишлари олиб борилмоқда.